Book Back Question and Answers

சுற்றுச்சூழல் அறிவியல் : பருவம் 1 அலகு 3 : இயற்கையின் கொடை அலகு 3 இயற்கையின் கொடை கற்றல் நோக்கங்கள்: ❖ இலைகள், பூக்கள், காய்கள், கனிகள் ஆகியவற்றை உற்றுநோக்கல். அடையாளம் காணுதல். ❖ பெயரறிதல், விவரித்தல் மற்றும் அவற்றின் முக்கியத்துவத்தை புரிந்து கொள்ளுதல் செல்வி ஒருநாள் தன் வீட்டருகே உள்ள தோட்டத்திற்குச் சென்றாள். அங்கே ஒரு தக்காளிச் செடியில் அழகான மஞ்சள் நிறப் பூவைக் கண்டாள். உடனே அதனைப் பறிக்க முயன்றாள். அப்போது அங்கு வந்த தேனீ ஒன்று “அது என்னுடைய உணவு விட்டுவிடு” என்றது. வியப்படைந்த செல்வி செடியில் சிவப்பு நிறத் தக்காளியைக் கண்டதும் அதைப் பறிக்க முயன்றாள். அப்போது பச்சைக்கிளி ஒன்று பறந்துவந்து “அது எனக்கான உணவு விட்டுவிடு” என்றது. செல்வி பச்சைக்கிளிக்காகத் தக்காளியை விட்டுவிட்டு. பின் தக்காளிச் செடியின் இலையை வருடினாள். அப்போது அங்கு வந்த வெட்டுக்கிளி “அது எனக்கான உணவு, தயவு செய்து இலையைப் பறிக்காதே” என்றது. தாவரங்கள் அனைவருக்கும் பயன்படுகின்றன என்று அப்போதுதான் செல்விக்குப் புரிந்தது. உடனே “நீதான் எங்கள் அனைவருக்கும் உணவு தருகின்றாய் மிக்க நன்றி” என மகிழ்ச்சியுடன் கூறிக் கொண்டே தக்காளிச் செடிக்குத் தண்ணீர் ஊற்றினாள் செல்வி. இலைகள் கதை பிடித்ததா குழந்தைகளே! நாம் தற்போது தாவர உலகத்திற்குள் பயணிப்போமா? நாம் பேசுவோமா! தாவரங்கள் பல்வேறு வகையான இலைகளைக் கொண்டுள்ளன. இலைகள் பல்வேறு அளவு, வடிவம், வண்ணம் மற்றும் தன்மைகளில் உள்ளன. உங்களைச் சுற்றிக் காணப்படும் இலைகளில் நீங்கள் பார்த்த இலைகளைப் பற்றிப் பேசலாமா! இதோ உங்களுக்கு உதவ சில வார்த்தைகள். சொற்களஞ்சியம் வெளிர் பச்சை, கரும் பச்சை, மென்மையான, மிருதுவான, சொரசொரப்பான, விளிம்புடைய, கூர்மையான, வட்டமான, உலர்ந்த, பெரிய, சிறிய, நுனி. ❖ நீ அறிந்த வார்த்தைகளைக் கொண்டு இலைகளை வேறுபடுத்துவோமா! ❖ இலையின் மேல் தேய்த்தல் – இலைகளின் மேல் வண்ண மெழுகுப் பென்சிலால் தேய்த்து அதன் அமைப்பை உருவாக்குவோமா! ❖ பச்சை இலை ஒன்றை வகுப்பிற்கு கொண்டு வரவும். அந்த இலையில் ஏற்படும் மாற்றத்தை ஒரு வாரம் வரை தினமும் உற்றுநோக்குவோமா! பூக்கள் படங்களைப் பார். இவை நம்மைச் சுற்றிலும் காணப்படும் சில பூக்கள். அவற்றின் பெயர்களைச் சொல்வோமா! ❖ உங்களுக்குப் பிடித்த பூ எது? அப்பூவைப் பற்றி உங்களுக்குத் தெரிந்தவற்றைச் சொல்வீர்களா! இதோ உங்களுக்கு உதவ சில வார்த்தைகள். சொற்களஞ்சியம் மணம், இதழ், மென்மையான, மிருதுவான, சொரசொரப்பான, முட்கள், வண்ணம், சிவப்பு, இளஞ்சிவப்பு, வெள்ளை, மஞ்சள். ❖ சிலபூக்களுக்கு மணம் உண்டு. செண்பகப்பூ மல்லிகைப்பூ ரோஜாப்பூ பூ வாடாமல் இருக்க வேண்டுமெனில் படத்தில் உள்ளது போல் செய்யலாம். பூக்கள் பல்வேறு வகையான இதழ்களைக் கொண்டுள்ளன. இதழ்களின் வடிவங்களை உற்றுநோக்கவும். ❖ இதழை உரியபூவுடன் இணைக்கலாமா! காய்கறிகள் பாடல் நேரம் சின்னச் சின்ன சுண்டைக்காய் குண்டு குண்டுக் கத்தரிக்காய் நெட்டை நெட்டை முருங்கைக்காய் நீண்டு தொங்கும் புடலங்காய் கொடியிலே பூசணிக்காய் கொத்துக் கொத்தாய் அவரைக்காய் வழ வழக்கும் வெண்டைக்காய் வளமான வாழைக்காய் பட்டை போட்ட பீர்க்கங்காய் பாங்கான வெள்ளரிக்காய் இத்தனையும் வேண்டுமா? இன்றே தோட்டம் அமைத்திடுவோம்! இயற்கை வளம் காத்திடுவோம்! […]

சுற்றுச்சூழல் அறிவியல் : பருவம் 1 அலகு 2 : எனது அற்புதமான உடல் அலகு 2 எனது அற்புதமான உடல் கற்றல் நோக்கங்கள்: ❖ உடல் உறுப்புகளின் பெயர்களைக் கூறல் ❖ பல்வேறு புலன்களை அடையாளம் காணல் ❖ தன் சுத்தம் பேணுதல் நாம் பேசுவோமா! ❖ விளையாடுதல். நடத்தல், ஓடுதல், கேட்டல். பார்த்தல், நுகர்தல், சுவைத்தல் மற்றும் தொட்டு உணர்தல் போன்ற செயல்களை நாம் மேற்கொள்கிறோம். ❖ சில உடல் உறுப்புகளை நம்மால் பார்க்க இயலும். சில உறுப்புகளைப் பார்க்க இயலாது. ஏனெனில், அவை உடலின் உள்ளே உள்ளன. ❖ சில உடல் உறுப்புகள் எண்ணிக்கையில் இரண்டாக உள்ளன. அவற்றுள் சிலவற்றை உங்களால் கூற முடியுமா? இப்பாடலின் மூலம் நம் உடல் உறுப்புகள் சிலவற்றின் பெயர்களை நாம் அறிவோமா! பாடல் நேரம் தலையை ஆட்டு தலையை ஆட்டு சொய்ங் சொய்ங் சொய்ங். கண்ணைச் சிமிட்டுகண்ணைச் சிமிட்டு கிளிங் கிளிங் கிளிங்… கையைத் தட்டு கையைத் தட்டு கிளப் கிளப் கிளப்… காலைத் தட்டு காலைத் தட்டு தப் தப் தப்… நம் உடல் உறுப்புகளை அறிவோமா! உடல் உறுப்புகளின் பெயர்களை உரிய பாகத்தோடு இணைப்போமா? படங்களை உற்றுநோக்கு. வருண் தன் உடலால் பல்வேறு இயக்கங்களை மேற்கொள்கிறான். அதே செயல்களை நாமும் செய்து பார்ப்போமா ! நடத்தல் பிடித்தல் தோப்புக்கரணம் குதித்தல் மூக்கைத் தொடுதல் கண் புருவத்தை உயர்த்துதல் வளைதல் எறிதல் கயிறு தாண்டுதல் உதைத்தல் தூக்குதல் கண் இமைத்தல் இதே போன்று வேறு என்ன செயல்களை உன்னால் செய்ய முடியும்? ❖ நம் உடலில் உள்ள உறுப்புகளுள் சில எண்ணிக்கையில் இரண்டாகவும் சில ஒன்றாகவும் காணப்படுகின்றன. ❖ உங்கள் கை மற்றும் விரல்களில் கோடுகள் உள்ள இடங்களை உங்களால் மடக்க முடியும். முயற்சி செய்து பார்ப்போமா? ❖ நாம் பல்வேறு விதமான உணர்வுகளான மகிழ்ச்சி, சோகம், பயம், கோபம் போன்றவற்றை அனுபவிக்கிறோம். அந்த உணர்வுகளை நாம் முக பாவனைகள் மூலம் வெளிப்படுத்துகிறோம். இந்த முகபாவனைகளை செய்து பார்க்க நாம் முயற்சிப்போமா! படத்தில் இரண்டாக உள்ள உறுப்புகளை இரண்டு என்ற எண்ணுடனும் ஒரே ஒரு உறுப்பாக உள்ளவற்றை ஒன்று என்ற எண்ணுடனும் இணைப்போமா! முகபாவனைகளை வரைவோமா? உங்களுக்குத் தெரியுமா ● ஒட்டகச்சிவிங்கிக்கு நீளமான கழுத்து உண்டு. ● யானைக்கு நீளமான தும்பிக்கை உண்டு.

சுற்றுச்சூழல் அறிவியல் : பருவம் 1 அலகு 1 : உயிருள்ள, உயிரற்ற பொருள்கள் அலகு 1 உயிருள்ள, உயிரற்ற பொருள்கள் கற்றல் நோக்கங்கள்: ❖ உயிருள்ள, உயிரற்ற பொருள்களை அடையாளம் கண்டு. அவற்றின் வேறுபாடுகளை அறிதல் ❖ உயிருள்ள, உயிரற்ற பொருள்களுக்கு இடையேயான தொடர்பினை புரிந்து கொள்ளுதல் என் பெயர் அரசி. என்னிடம் ஒரு நாய்க்குட்டி உள்ளது. நான் அதை சுட்டி என அழைப்பேன். நான் அதனுடன் விளையாடுவேன். அது என் மீது குதிக்கும். நான் அதற்கு உணவு தருவேன், அது உணவை வேகமாக சாப்பிடும். எனக்கு அதனை மிகவும் பிடிக்கும். என்னிடம் ஒரு பொம்மை உள்ளது. நான் அதை அம்மு என அழைப்பேன். நான் அதற்கு உணவளிக்க முயற்சித்தேன். அது சாப்பிடவில்லை. நான் அதன் சாவியைத் திருகினால் மட்டுமே. அதனால் நகர முடியும். எனக்கு என் பொம்மையை மிகவும் பிடிக்கும். அரசி. தன் நாய்க்குட்டி மட்டும் உணவு சாப்பிட்டது ஆனால், தன் பொம்மையால் ஏன் சாப்பிட முடியவில்லை என வியந்தாள்! அது ஏன் என உனக்குத் தெரியுமா? அதை நாம் அறிவோமா! உயிருள்ள பொருள்கள் உயிருள்ள பொருள்கள் உணவு உண்ணும், வளரும், நகரும் மற்றும் இளம் உயிரிகளைப் பெற்றிருக்கும். இவற்றால் சுவாசிக்கவும், உணரவும் முடியும். நான் சாப்பிடுகிறேன்  நான் வளர்கிறேன் நான் விளையாடுகிறேன். நான் ஓர் உயிருள்ள மனிதன் ❖ உயிருள்ளவை உணவு உண்ணும். ❖ உயிருள்ளவை வளரும். ❖ ஒரு விதையை விதைத்து அதன் வளர்ச்சியைக் கவனிப்போமா! ❖ படங்களை வரிசைப்படுத்துவோமா! ❖ உயிர் வாழ உணவு தேவைப்படுபவைகளுக்கு (✔) குறியிட்டுக் காட்டலாமா! உயிருள்ளவைகள் ஓர் இடத்திலிருந்து மற்றொரு இடத்திற்கு நகரும்.  உயிருள்ளவைகளுக்கு இளம் உயிரிகள் உண்டு. சிந்தனைப் பகுதி படகு நகருமே! அது உயிருள்ள பொருளா? விடை : இல்லை  உயிருள்ளவைகளுக்கு உணர்ச்சிகள் உண்டு. உயிருள்ளவைகள் சுவாசிக்கும். இப்பூனை பசியாக உள்ளது. பால் இருக்கும் இடத்தை அடைய பூனைக்கு உதவுங்களேன். இளம் உயிரியை அதன் தாயுடன்கோடிட்டுச் சேர்ப்போமா! உயிரற்ற பொருள்கள் நாம் பேசுவோமா! உயிரற்ற பொருள் நகராது வளராது சுவாசிக்காது உணவு உண்ணாது இளம் உயிரிகள் கிடையாது படத்தில் உள்ளவற்றின் பெயர்களின் முதல் எழுத்தைப் பயன்படுத்தி அரசி, காது என்ற வார்த்தைகளைப் பெறவும். படத்தைப் பார். படத்தில் மலை, ஆறு, குளம், ஏரியை உங்களால் பார்க்க முடிகிறதா? மலை என்பது பாறைகள் மற்றும் மண்ணால் ஆனது. ஆறு.குளம் மற்றும் ஏரி போன்றவை நீரால் நிரம்பி உள்ளன. மண் மற்றும் நீர் போன்றவை தாவரங்கள் வளர உதவுகின்றன. தாவரங்களிலிருந்து நாம் உணவைப் பெறுகிறோம். நாம் காற்றைச் சுவாசிக்கிறோம். காற்று, நீர் மற்றும் மண் போன்றவை உயிரற்றவை. இவையின்றி நம்மால் உயிர் வாழ முடியுமா? சொற்களஞ்சியம்

Environmental Science : Term 3 Unit 5 : Science in Everyday Life UNIT 5 Science in Everyday Life Learning Objectives The learners • Name different kinds of clothes • Recognise the importance of clothing • Identify the types of clothes to suit different weather conditions Salim: “Parveen! What are you looking at?” Parveen: “I am looking at

Environmental Science : Term 3 Unit 4 : Day and Night UNIT 4 Day and Night Learning Objectives The Learners • Know the differences between day and night • Describe the Sun, moon, stars, lightning and thunder Day Mother: “Kanmani, Kannan wake up. Come and see the sunrise. The sky looks beautiful.” Kannan and Kanmani : “Yes, Mother.” What

Environmental Science : Term 3 Unit 3 : Transport UNIT 3 Transport Learning Objectives The Learners • Identify the kinds of transport developed over the years • Know about road safety Let Us Discuss What are the different vehicles that you see? How do you come to school? Transport means movement of people and goods from one place

Environmental Science : Term 3 Unit 2 : Our Neighbourhood UNIT 2 Our Neighbourhood Learning Objectives The learners • Describe their neighbourhood • Know about different habitats • Adopt safe practices Poonjolai is a beautiful town. Cheenu lives there with his parents. He stands in the balcony and looks around. What does he see? Observe the picture and discuss.

Environmental Science : Term 3 Unit 1 : Materials Around Us UNIT 1 Materials Around Us Learning Objectives The Learners • Identify the different materials around them • Differentiate between the materials Let Us Talk Observe the picture and talk about the different objects and what they are made of. All the objects that we use

Environmental Science : Term 2 Unit 3 : Our Society UNIT 3 Our Society Learning Objectives The learners • Identify and understand the importance of different festivals • Appreciate the different roles of people in society Festivals We celebrate many festivals. Some are celebrated to thank Nature and others are local celebrations. All festivals are occasions

Environmental Science : Term 2 Unit 2 : Water UNIT 2 Water Learning Objectives The learners • List out the various uses of water • Conduct simple experiments with water • Become aware of saving water Water in our Life Let us Discuss What are the different activities for which we use water? Observe the picture